POLÍTICA DE PROTECCIÓN DE DATOS CLIENTES

1. Quen é o responsable do tratamento dos datos do Cliente?

É ABANCA Corporación Bancaria S.A ( a “ENTIDADE”), con NIF: A-70302039 e enderezo social en Betanzos, rúa Cantón Claudino Pita, nº 2, 15300.

Na nosa páxina web informarase o Cliente sobre a identidade do noso Delegado de Protección de Datos (DPD ou DPO), con quen poderá contactar a través do enderezo de correo electrónico privacidad@abanca.com

2. Como obtemos os datos persoais do Cliente?

Para dar resposta a esta pregunta debe distinguirse entre as fontes das que proceden os datos persoais do Cliente e a tipoloxía de datos persoais tratada pola ENTIDADE:

a. Fontes das que proceden os datos persoais:

O Cliente poderá aportar nas solicitudes que realice á ENTIDADE, ou no ámbito da formalización e desenvolvemento das relacións contractuais coa ENTIDADE, diversos datos de carácter persoal (p. ex., o Cliente aportará determinados datos para solicitar e contratar unha conta corrente, un préstamo, unha tarxeta, un depósito, un plan de pensións, un fondo de investimento, etc.).
A propia xestión, desenvolvemento e mantemento das relacións contractuais que o Cliente conveña coa ENTIDADE (p. ex., xéranse datos relativos ao Cliente con motivo da xestión, desenvolvemento e mantemento dos contratos de conta corrente, de préstamo, de tarxeta, de depósito, de plans de pensións, de fondos de investimento, etc., que o Cliente teña formalizado coa ENTIDADE).
Empresas do Grupo económico da ENTIDADE, cuxos sectores de actividade comprenden o financeiro, social, asegurador, inmobiliario, de inversión mobiliaria, de formación, de márketing e de servizos de consultoría e asesoramento.
Entidades de crédito españolas ou con sucursal en España.
Fontes accesibles ao público.
Organismos da Administración Pública (p. ex., Tesourería Xeral da Seguridade Social, Axencia Estatal de Administración Tributaria, etc.).
Fontes externas (p. ex., redes sociais, datos de navegación en Internet, conectividade, etc.).
Ficheiros de información sobre solvencia patrimonial e crédito (p. ex., BADEXCUG, ASNEF, Ficheiro de Incidencias Xudiciais, etc.).
Ficheiros de protección de identidade ou detección fraudulenta de datos (p. ex., o Ficheiro “CONFIRMA”).
Central de Información de Riscos do Banco de España (CIRBE). A ENTIDADE poderá consultar e tratar datos relativos ao Cliente que poidan figurar rexistrados na CIRBE, aos efectos da concesión e da xestión de operacións de crédito solicitadas polo Cliente, incluíndo a avaliación, valoración e seguimento do risco de crédito de ditas operacións mediante técnicas de scoring e análise experto, así como para asegurar o efectivo cumprimento da normativa sobre concentración de riscos e calquera outra que, no ámbito da supervisión cautelar das entidades de crédito, lle resulte de aplicación á ENTIDADE.
De taxadoras, rexistros públicos (p. ex., Rexistro da Propiedade ou Rexistro Mercantil) e Catastro.

b. Tipoloxía de datos persoais:

Datos identificativos e de contacto (p. ex., nome, apelidos, documento de identidade, enderezo postal e electrónico, teléfono, etc.).
Datos de circunstancias familiares e sociais e datos socioeconómicos (p. ex., tipoloxía de persoas segundo idade e nivel de estudos que habitan no entorno xeográfico no que o Cliente reside; tipoloxía de familias que habitan en dito entorno segundo o número e características dos seus membros; categorías de actividades profesionais existentes no entorno xeográfico no que reside o Cliente; capacidade económica, segundo a/s renda/s anual/is, existente en dito entorno; ou as características dese entorno segundo a antigüidade das construcións, o nivel de agrupación -unifamiliar ou plurifamiliar- ou a presenza de zonas comerciais).
Datos dos seguros cuxo pago o Cliente teña domiciliado nunha conta da ENTIDADE ou datos dos seguros comercializados pola ENTIDADE que o Cliente contratase.
Datos transaccionais (p.ex., datos relacionados cos movementos das contas, como poden ser os datos dos recibos domiciliados ou das transferencias efectuadas; ou a información sobre os pagos realizados con tarxetas ou outros medios de pago da ENTIDADE ou ben usando os TPV ou pasarelas de pagos da ENTIDADE).
Datos de solvencia patrimonial e crédito (p.ex., datos sobre o incumprimento dunha débeda contraída cunha empresa privada, datos sobre as débedas contraídas con organismos públicos, etc.).
Datos de xeolocalización e situación xeográfica.
Datos de navegación en Internet (p.ex., enderezo IP, visitas a páxinas web, conexións a redes Wifi, etc.).
Datos identificadores e da titularidade das contas que o Cliente teña abertas noutras entidades de crédito españolas ou con sucursal en España.

Por último, o Cliente debe saber que, no caso de que utilice o sistema de firma dixitalizada para prestar o seu consentimento no ámbito das solicitudes que presente á ENTIDADE e/ou dos contratos que formalizase ou formalice con ela, a ENTIDADE levará a cabo o tratamento dos datos biométricos asociados á devandita firma. Os datos biométricos asociados á firma dixitalizada son categorías especiais de datos que comprenden, p.ex., as características caligráficas da firma, como a presión e a velocidade coa que se realiza, así como a inclinación do trazo. O tratamento dos devanditos datos biométricos por parte da ENTIDADE resulta necesario para, segundo proceda, a formulación, o exercicio ou a defensa de reclamacións que se puidesen presentar con motivo das relacións que o Cliente manteña coa ENTIDADE.

3. Para que tratamos os datos do Cliente e baixo que lexitimación?

O tratamento dos datos do Cliente persegue as seguintes finalidades:

1) Xestionar a prestación dos servizos e produtos de ABANCA

Esta finalidade engloba diferentes actividades de tratamento cuxa lexitimación se basea na execución das relacións contractuais ou precontractuais establecidas co Cliente e que resultan necesarias para asegurar que os nosos servizos e produtos se ofrecen e prestan adecuadamente:

Recibir as solicitudes de información e contratación que o Cliente poida ter realizado sobre os nosos produtos e servizos, darlle resposta e aclarar as dúbidas que poidan xurdir. Isto supón que, en operacións de risco crediticio, se deberá analizar a solvencia do Cliente podendo utilizarse técnicas de scoring e rating automatizadas, así como técnicas de análise experta.
Proceder, no seu caso, á alta da operación solicitada mediante a firma do correspondente contrato.
Manter, desenvolver e controlar as relacións de negocio existentes entre as partes, incluíndo, no caso de operacións de risco crediticio, a súa valoración e seguimento, mediante técnicas de scoring e rating automatizadas, así como mediante técnicas de análise experta.

O desenvolvemento desta finalidade pode implicar que os datos do Cliente sexan comunicados a terceiros, tales como:

Notarios ou fedatarios públicos: No caso de que resulte necesaria a súa intervención (por exemplo, no caso de que o Cliente solicite á ENTIDADE unha operación de risco, como pode ser un préstamo hipotecario que sexa necesario formalizar coa intervención dun Notario. Neste referido caso, a ENTIDADE poderá comunicar ó Notario autorizante tódolos datos, incluídos os de carácter persoal, relativos á operación de risco).
Empresas taxadoras: No caso de que resulte necesaria a valoración dun inmoble (por exemplo, no caso de que o Cliente solicite á ENTIDADE unha operación de risco que incorpore unha garantía hipotecaria, como pode ser un préstamo hipotecario, e requira á ENTIDADE que solicite a taxación do(s) inmoble(s) a hipotecar). A finalidade destas comunicacións será que as empresas de taxación poidan tramitar e xestionar a solicitude de taxación e realizar o correspondente informe de taxación do(s) inmoble(s).
Rexistros Públicos (p.ex. o Rexistro da Propiedade): No caso de que resulte necesario inscribir as correspondentes garantías ou no caso de que resulte necesario que a ENTIDADE consulte a información que obre nos devanditos Rexistros sobre o(s) inmoble(s) que será(n) obxecto das correspondentes garantías.
Á compañía aseguradora ABANCA VIDA Y PENSIONES DE SEGUROS Y REASEGURADOS,S.A e ó resto de compañías aseguradoras coas que traballamos, no caso de que o Cliente se interese pola contratación dos seus produtos de seguros.
A Organismos Públicos de Crédito Oficial (como o Instituto de Crédito ó Consumo —ICO--, o Instituto Galego de Promoción Económica ou o Ministerio de Vivenda), se o Cliente solicita un produto suxeito a un convenio subscrito pola ENTIDADE e co Organismo correspondente. A finalidade destas comunicacións de datos será que os devanditos Organismos poidan decidir sobre a autorización da operación solicitada polo Cliente e sobre a posible concesión dun aval que garanta a devandita operación. Con todo, a autorización que poidan outorgar os referidos Organismos non suporá necesariamente que a ENTIDADE autorice á súa vez a operación solicitada polo Cliente, senón que a posible concesión desa operación será obxecto de estudo por parte da ENTIDADE segundo os seus propios criterios de valoración de riscos.
A Sociedades de Garantía Recíproca, no caso de que o Cliente lles solicite avais. A finalidade destas comunicacións de datos será que as devanditas Sociedades poidan decidir sobre as concesións dos devanditos avais.
Ás correspondentes Entidades Xestoras ou Comercializadoras de “Institucións de Inversión Colectiva” (“IIC”), se o Cliente solicita a adhesión a “IIC” (p.ex., Fondos de Inversión ou Sociedades de Inversión). A finalidade destas comunicacións de datos será que as correspondentes Entidades Xestoras ou Comercializadoras de “IIC” poidan cumprir as funcións que lles correspondan conforme á normativa sobre “IIC” vixente en cada momento e ás demais disposicións aplicables, e conforme ó establecido nos acordos de comercialización subscritos coa ENTIDADE (p.ex., para a tramitación e xestión de operacións de subscrición ou reembolso de participación ou accións de “IIC”, para a tramitación e xestión de operacións de traspaso das “IIC” ou para a xestión do rexistro de partícipes ou accionistas correspondente).
Ás correspondentes Entidades Xestoras e Depositarias dos plans de pensións, se o Cliente solicita un plan de pensións. A finalidade destas comunicacións de datos será que as correspondentes Entidades Xestoras e Entidades Depositarias dos plans de pensións poidan cumprir as funcións que lles correspondan conforme á normativa sobre os plans e fondos de pensións vixentes en cada momento e ás demais disposicións aplicables (p.ex., para a tramitación e xestión das achegas ós plans de pensións, da percepción das prestacións correspondentes ou do dereito de rescate).

2) Cumprir coas obrigas atribuídas á ENTIDADE

O sector financeiro está fortemente regulado e isto implica que debamos realizar determinados tratamentos cuxa lexitimación baséase no cumprimento de obrigas legais e normas de Dereito Comunitario e que, con carácter exemplificativo, poidan traducirse nas seguintes accións:

Dar resposta, se procede, ás solicitudes de información realizadas polas Administracións e Organismos Públicos e Xuíces e Tribunais competentes.
Comunicar ás Administracións e Organismos Públicos os datos do Cliente que procedan en cumprimento das obrigas normativas que incumban á ENTIDADE (p.ex., á Tesouraría Xeral da Seguridade Social, á Axencia Tributaria, etc.).
Consultar ás Administracións e Organismos Públicos os datos do Cliente que procedan en cumprimento das obrigas normativas que incumban á ENTIDADE (p.ex., á Tesouraría Xeral da Seguridade Social, á Axencia Tributaria, etc.).
No caso de que o Cliente sexa un novo cliente da ENTIDADE e lle solicite a contratación dun produto a través de medios non presenciais (p.ex., a través do teléfono ou de medios electrónicos ou telemáticos), a ENTIDADE poderá identificalo mediante a confirmación dos seus datos identificadores e de titularidade con aquelas entidades de crédito españolas ou con sucursal en España nas que o Cliente teña aberta algunha conta. Este proceso de identificación non presencial realizarase de conformidade co disposto para o efecto na normativa de prevención do branqueo de capitais e do financiamento do terrorismo.
Ingresar as retencións que debemos efectuar en cumprimento da normativa tributaria.
Comunicar á Central de Información de Riscos do Banco de España (CIRBE) o risco de crédito no seu caso asumido e a súa evolución. A ENTIDADE ten a obriga de efectuar á CIRBE, nos termos previstos pola lexislación vixente, declaración dos datos sobre os riscos de crédito que o Cliente contraía coa ENTIDADE, e, no caso de ter o Cliente a condición de empresario individual e ter contraído a titularidade dos devanditos riscos no exercicio da súa actividade empresarial, a ENTIDADE deberá facer constar esta condición na declaración referida.
Comunicar ó Ficheiro de Titularidades Financeiras, en cumprimento da lei de prevención do branqueo de capitais e do financiamento do terrorismo, a apertura ou cancelación de calquera conta corrente, conta de aforro, conta de valores ou depósitos a prazo, xunto cos datos identificadores dos titulares, titulares reais, no seu caso, representantes ou autorizados. O responsable do devandito Ficheiro é a Secretaria de Estado de Economía e Apoio á Empresa, actuando como encargado do tratamento por conta da susodita o Servizo Executivo da Comisión de Prevención do Branqueo de Capitais e Infraccións Monetarias.

3) Coñecer a solvencia do Cliente e previr o fraude na contratación

Tratamos os datos do Cliente, en base ó interese lexítimo da ENTIDADE, para:

Coñecer a súa solvencia patrimonial e de crédito con anterioridade á realización de calquera operación que entrañe un risco crediticio, así como durante a vixencia da devandita operación de crédito.
Consultar os datos do Cliente que poidan figurar en ficheiros comúns de información sobre solvencia patrimonial e crédito (p.ex., BADEXCUG, ASNEF, Ficheiro de Incidencias Xudiciais, etc.).
Así mesmo, coa finalidade de coñecer a solvencia patrimonial e de crédito do Cliente, a ENTIDADE poderá comunicar os seus datos a ABANCA Servicios Financieros, Establecimiento Financiero de Crédito, S.A., (en adiante, “ASF”), que é unha empresa pertencente ó Grupo Económico da ENTIDADE, co obxectivo de poder consultar, sempre que o Cliente sexa tamén cliente de ASF, o seu scoring, rating e/ou límite de crédito en ASF.
Protexer a identidade dos nosos clientes e detectar debidamente o uso fraudulento de datos de desenvolvemento de accións como a consulta recíproca entre empresas do Grupo económico da ENTIDADE sobre actividades anómalas e a consulta ó ficheiro “CONFIRMA”, cuxa finalidade é a prevención do fraude e cuxos responsables son as Entidades adheridas ó seu Regulamento, a través do procedemento establecido neste último.

En relación co ficheiro “CONFIRMA”, infórmaselle ó Cliente de que a ENTIDADE poderá comunicar o devandito ficheiro, para a realización das correspondentes consultas, os datos das solicitudes que o Cliente presente á ENTIDADE. O prazo máximo de conservación dos datos no ficheiro “CONFIRMA” será de dous anos. Os responsables do tratamento son as Entidades Adheridas ó Regulamento do Ficheiro “CONFIRMA”, sendo o encargado do tratamento Confirma Sistemas de Información, S.L., con domicilio en Avda. de la Industria, 18, TRES CANTOS (28760) MADRID. O Cliente poderá consultar o listado de Entidades actualmente Adheridas ó Regulamento na web www.confirmasistemas.es.

Poderán participar no Ficheiro “CONFIRMA” as entidades que se adhiran ó seu Regulamento e que no ámbito de actividade poida ser obxecto de fraude na contratación. Os datos comunicados ó Ficheiro “CONFIRMA” poderán ser cedidos ás Entidades Adheridas.

Comprobar a exactitude e veracidade dos documentos aportados polo CLIENTE, por exemplo, a través do código CSV (código seguro de verificación) ou do código CEA (Código Electrónico de Autenticidade) no caso de copias dixitais das declaracións de impostos e da vida laboral.

4) Ofrecerlles produtos e servizos da ENTIDADE similares ós contratados

Consideramos que resulta de interese para ambas partes remitir ó Cliente información publicitaria que faga referencia a produtos e servizos similares ós contratados polo propio Cliente. Esta información publicitaria poderá ser xenérica ou personalizada, é dicir, axustada ó seu concreto perfil e situación comercial ou crediticia, para o que, antes do seu envío, e para a elaboración do devandito perfil, poderemos tratar os datos persoais do Cliente dos que dispoñamos con motivo da xestión dos produtos e servizos contratados polo Cliente, como p.ex., os datos relacionados coa súa solvencia ou risco crediticio, así como os relativos ós seus movementos transaccionais (p.ex., os datos dos movementos de contas, como poden ser os referentes a recibos domiciliados, ou a información xerada pola utilización de tarxetas de crédito ou débito como medios de pago en adquisicións de bens ou servizos).

En calquera momento, o Cliente poderá opoñerse ó envío da devandita información publicitaria, así como ó tratamento dos seus datos para a elaboración do perfil antes mencionado, a través do enderezo de correo bajas@abanca.com, do noso Servizo de Atención ó Cliente ou dos distintos medios que se habiliten en cada momento.

Salvo que indique o contrario, esta información será remitida polas seguintes canles:

Correo postal
Correo electrónico e redes sociais
Mensaxes de calquera tipo ó móbil
Servizo de Banca por Internet da ENTIDADE
Chamadas telefónicas

5) No caso de que o Cliente preste o seu consentimento:

a) Ofrecerlle ó Cliente, a través das canles indicadas no apartado 4 anterior, información sobre produtos e servizos de empresas do Grupo económico da ENTIDADE e de colaboradores: farémoslle chegar ó Cliente información publicitaria que poida resultar axustada ó seu perfil tanto de produtos e servizos de empresas do Grupo Económico da ENTIDADE, cuxas actividades comprenden as de tipo financeiro, social, asegurador, inmobiliario, de inversión mobiliaria, de formación e de márketing e de servizos de consultoría e asesoramento, e poden ser consultadas na nosa web, como de colaboradores que ofrezan produtos e/ou servizos financeiros, de seguros, de ocio, alimentos, electrodomésticos, mobiliario, vehículos, calzado, téxtil, ópticas, servizos e produtos de consumo persoal, etc.

b) Compartir os seus datos con empresas do Grupo económico da ENTIDADE: A ENTIDADE compartirá os datos do Cliente co resto de empresas do seu Grupo económico coas seguintes finalidades:

para facilitar e axilizar a análise e a posible formalización dun contrato ou precontrato solicitado polo Cliente á correspondente empresa do Grupo;
para a elaboración ou actualización por parte das empresas do Grupo dos perfís comerciais e de risco do Cliente; e
para que as empresas do Grupo poidan facerlle chegar ó Cliente, de forma directa, as súas mellores ofertas e promocións, a través de calquera medio, incluído o correo electrónico, os SMS e outros medios de comunicación electrónica.

c) Enriquecer a información do Cliente: poderemos obter unha maior información sobre as características, gustos e necesidades financeiras do Cliente a través da información proporcionada por distintas fontes externas tales como Rexistros Públicos, Catastros, Redes Sociais, ferramentas de xeomárketing, os seus datos de navegación pola web ou as aplicacións da ENTIDADE, co obxectivo de introducir melloras nos nosos produtos e servizos e/ou adaptar ou escoller as ofertas dos devanditos produtos e servizos que mellor se axusten ó concreto perfil do Cliente.

d) Conservar os datos do Cliente unha vez finalizada a nosa relación: poderemos conservar os seus datos unha vez finalizada a nosa relación e por un prazo máximo de 5 anos con fines analíticos e estatísticos; para xestionar unha nova solicitude de produto ou servizo que o Cliente poida formular; así como para continuar enviándolle, tanto a ENTIDADE como as empresas do seu Grupo económico, información publicitaria personalizada de interese do Cliente.

6) Outras finalidades.

En base á protección do interese lexítimo da ENTIDADE, poderemos realizar estudos analíticos e estatísticos con datos anonimizados, garantir a defensa xurídica da ENTIDADE ante reclamacións extraxudiciais ou xudiciais ou, no caso de que o Cliente non atendese puntualmente as súas obrigas económicas, comunicar os seus datos identificadores e de débeda a sistemas comúns de información crediticia e solvencia patrimonial (p.ex., BADEXCUG, ASNEF, Ficheiro de Incidencias Xudiciais, etc.), de acordo coa lexislación vixente.

4. Por canto tempo conservamos os seus datos?

Os datos persoais serán conservados mentres se manteña a relación contractual ou precontractual co Cliente e con posterioridade a estas relacións, por un prazo máximo de 5 anos, se prestase o seu consentimento para ese efecto. Finalizada a relación contractual ou precontractual (ou, no seu caso, transcorrido o prazo de 5 anos), os datos serán bloqueados conforme ó disposto na normativa, o que implica que estarán dispoñibles tan só a petición de Xuíces e Tribunais, o Ministerio Fiscal ou as Administracións Públicas competentes durante os prazos de prescrición legal (con carácter xeral, 10 anos por normativa de prevención do branqueo de capitais e financiamento do terrorismo, e ata 21 anos por aplicación do Código Civil e a lexislación hipotecaria). Transcorridos os devanditos prazos, os datos serán eliminados.

5. Está prevista algunha Transferencia Internacional?

A ENTIDADE observa e obriga a observar as medidas de seguridade técnicas, organizativas e legais que resulten axustadas ó nivel de risco do tratamento con independencia do territorio onde se produza o tratamento. Das Transferencias Internacionais que se prevexa realizar en cada momento informarase na Política de Privacidade dispoñible na Web e incluirase información detallada ó respecto.
Calquera transferencia internacional de datos que se produza, estará igualmente suxeita ó réxime previsto na normativa vixente.

6. Cales son os teus dereitos?

A normativa de protección de datos confírelle ó Cliente os seguintes dereitos en relación co tratamento dos seus datos:

Dereito de acceso: Coñecer que tipo de datos estamos a tratar e as características do tratamento que estamos levando a cabo.
Dereito de rectificación: Poder solicitar a modificación dos seus datos por seren inexactos ou non veraces.
Dereito de portabilidade: Poder obter unha copia nun formato interoperable dos datos que estean a ser tratados.
Dereito á limitación do tratamento nos casos recollidos na Lei.
Dereito a opoñerse á toma de decisións automatizadas.
Dereito de supresión: Solicitar a supresión dos seus datos cando o tratamento xa non resulte necesario.
Dereito de oposición: Solicitar o cese no envío de comunicacións comerciais nos termos antes sinalados.
Dereito a revocar o consentimento prestado.
Dereito a interpoñer unha reclamación fronte á autoridade de control (en España, a Axencia Española de Protección de Datos).

Para o exercicio de calquera destes dereitos, o Cliente poderá dirixirse ó noso Servizo de Atención ó Cliente a través do Enderezo Postal: Calle San Andrés 135-137, Planta Baja (15003 – A Coruña) ou de correo electrónico a: atencioncliente@abanca.com

Por último, en relación coa comunicación dos seus datos por parte da ENTIDADE ó Ficheiro “CONFIRMA”, o Cliente poderá exercer os dereitos de acceso, rectificación, supresión, limitación do tratamento ou oposición, dirixíndose ó domicilio de Confirma Sistemas de Información, S.L. con domicilio en Avda. de la Industria, 18, TRES CANTOS (28760) de MADRID.

Solicitar Préstamo Emprendedores

Solicita este produto, para iso déixanos os teus datos e escolle a oficina onde queres finalizar a contratación. Chamarémoste dende a oficina que elixas para pechar a xestión.

Porque queremos que aforres tempo