POLÍTICA DE PRIVACIDADE PARA QUE ABANCA CORPORACIÓN BANCARIA, S.A. XESTIONE CONTIGO UNHA CITA NA OFICINA

1. Quen é o responsable do tratamento dos teus datos?

O responsable do tratamento dos teus datos é ABANCA CORPORACIÓN BANCARIA, S.A. (en diante, “ABANCA”), co NIF A-70302039 e domicilio social en Betanzos (A Coruña - España), R/ Cantón Claudino Pita, núm. 2, CP 15300.

En ABANCA contamos cun Delegado de Protección de Datos Persoais, formalmente designado, co que podes poñerte en contacto se o necesitas escribindo a privacidad@abanca.com.

2. Cal é a orixe dos teus datos persoais e que datos tratamos?

Debes saber que os datos que tratamos neste caso son os datos que nos facilitas de forma directa a través do presente formulario e que as finalidades do tratamento son as que che indicamos no seguinte apartado (apdo. 3).

En particular, tratamos os seguintes datos de carácter identificativo e de contacto (nome da empresa en cuxa representación actúas, NIF, persoa de contacto, número de teléfono, correo electrónico e código postal).

3. Para que e con que lexitimación tratamos os teus datos?

Os datos de carácter persoal que se sinalan no apartado anterior (apdo. 2.) serán utilizados unicamente para:

Concertar contigo, na condición de representante da empresa en cuxo nome actúas, unha cita na oficina de ABANCA que elixas e poder darche a información oportuna sobre o/s produto/s ou servizo/s no/s que te interesaches, na túa referida condición.
Remitirche, mesmo por medios electrónicos, a información acerca da túa cita, sobre a documentación que cumprirá para xestionar a túa solicitude, así como acerca dos produtos ou servizos dirixidos a empresas nos que te interesaches.

A base xurídica para o tratamento dos teus datos é, xa que logo, o interese lexítimo tanto de ABANCA coma da empresa que representas en tratar os teus datos para posibilitar o contacto entrambas as dúas para a consecución das finalidades que se indican nos anteriores puntos “a)” e “b)”. Por este motivo, de forma previa á realización dos tratamentos que se describen nesta política de privacidade, realizamos unha ponderación entre os teus dereitos e o interese lexítimo de ABANCA, concluíndo que prevalece este último. Podes consultar a análise de ponderación que realizamos poñéndote en contacto co noso Delegado de Protección de Datos no seguinte enderezo de correo electrónico: privacidad@abanca.com.

De ser o caso, poderás opoñerte, en representación da empresa en cuxo nome actúas, ao envío da información comercial anteriormente referida en calquera momento e de forma gratuíta remitíndonos un correo a bajas@abanca.com. Nese correo terás que identificarte, manifestar a oposición e indicar no asunto: “Baixa. Formulario de Cita Oficina Web”.

4. Con quen compartimos os teus datos?

Os datos que nos facilitas para que te chamemos ou remitamos información sobre un produto ou servizo dirixido a empresas poderánselles comunicar a provedores de ABANCA (denominados encargados do tratamento) para a prestación de determinados servizos en nome e por conta de ABANCA (p. ex. servizos de ‘call center’ para a realización das chamadas telefónicas para xestionar a cita). A este respecto, informámoste de que seguimos uns estritos criterios de selección de provedores de servizos e subscribimos con cada un deles o correspondente contrato de encargado do tratamento, no que se establecen as condicións de confidencialidade, seguridade e de tratamento de datos consonte a normativa vixente en cada momento.

Con todo, informámoste de que os datos que se facilitan no presente formulario web non serán obxecto de cesión a ningún terceiro para que trate os teus datos persoais cos seus propios fins, agás que exista unha obriga legal aplicable a ABANCA que requira esta cesión de datos a terceiros.

5. Está prevista algunha transferencia internacional?

Determinadas sociedades que lle prestan servicios a ABANCA están situadas fóra da Unión Europea, o que implica a realización de transferencias internacionais de datos. Neste sentido, ABANCA garante a aplicación de medidas de seguridade técnicas, organizativas e legais que resulten axustadas ao nivel de risco do tratamento con independencia do territorio onde este se produza.

Calquera comunicación de datos que se produza a terceiros localizados en países fóra do Espazo Económico Europeo (EEE) estará suxeita a un nivel adecuado de protección que garanta a seguridade e a lexitimidade do tratamento dos teus datos persoais, consonte o disposto na normativa vixente que resulte de aplicación.

Para máis información sobre as transferencias internacionais de datos e os mecanismos de garantía aplicados, podes dirixirte ao Delegado de Protección de Datos de ABANCA no seguinte enderezo de correo electrónico: privacidad@abanca.com.

6. Por canto tempo conservamos os teus datos?

Os datos persoais conservaranse exclusivamente durante o prazo necesario para poder tramitar e/ou xestionar a túa solicitude relativa aos produtos ou servizos dirixidos a empresas que, de ser o caso, realices a través da web. Se, transcorridos tres (3) meses desde a última xestión que realicemos contigo en relación con tales produtos e servicios, non se formalizou coa empresa que representas a contratación do produto ou servizo correspondente, procederase ao bloqueo dos datos e á posterior eliminación.

7. Cales son os teus dereitos?

A normativa de protección de datos confíreche unha serie de dereitos en relación co tratamento dos teus datos persoais:

Dereito de acceso. Podes coñecer que tipo de datos estamos a tratar e as características do tratamento que estamos levando a cabo.
Dereito de rectificación. Podes solicitar a modificación dos teus datos cando estes sexan inexactos ou incompletos.
Dereito de portabilidade. Podes obter unha copia nun formato interoperable dos datos que estean sendo tratados.
Dereito á limitación do tratamento nos casos recollidos na Lei.
Dereito de supresión. Podes solicitar a supresión dos teus datos cando o tratamento xa non resulte necesario.
Dereito de oposición. Podes solicitar o cesamento do envío de comunicacións comerciais nos termos sinalados anteriormente. Así mesmo, podes solicitar o cesamento do tratamento amparado no interese lexítimo de ABANCA, en cuxo caso deixaremos de tratar os teus datos, agás que acreditemos motivos lexítimos imperiosos para o tratamento que puideran prevalecer sobre os teus dereitos, ou para a formulación, o exercicio ou a defensa de reclamacións.
Dereito a interpoñer unha reclamación fronte á autoridade de control (en España, a Axencia Española de Protección de Datos: https://www.aepd.es).

Podes exercitar os teus dereitos dirixíndote por escrito ao noso Servizo de Atención ao Cliente a través do enderezo de correo electrónico atencioncliente@abanca.com ou a través do enderezo postal Rúa Nova, 1 - Entreplanta, 15003, A Coruña. Na comunicación terás que

identificarte, sinalar o dereito que desexas exercitar e indicar no Asunto: “Dereitos RXPD. Formulario de Cita Oficina Web”.

Na páxina web da Axencia Española de Protección de Datos (AEPD) podes atopar unha serie de modelos que te axudarán no exercicio dos teus dereitos.

8. E se facilitas datos de terceiros como, por exemplo, persoas de contacto?

Se facilitas datos de terceiros (p. ex., os datos dunha persoa de contacto que non sexas ti), garantes que contas co consentimento expreso destes terceiros para lle comunicar a ABANCA os seus datos. Así mesmo, garantes que os terceiros cuxos datos proporciones foron debidamente informados dos tratamentos que ABANCA levará a cabo con estes datos, así como da posibilidade de exercitar os seus dereitos, todo iso segundo o que se recolle na presente política de privacidade.

Podemos axudarte

Enche estes datos nun minuto e escolle a túa oficina. Un xestor especializado desa oficina chamarate para axudarte.

¡Estamos a traballar!

Enche estes datos nun minuto e escolle a túa oficina.
Un xestor especializado desa oficina chamarate para axudarte.